Posted by: Ms. Sephorah | April 17, 2010
Iż-Żarbun Maġiku – Myra Muscat
Jien sibt żarbun maġiku. Meta sibtu kont qegħda mal-ħbieb u konna qegħdin nixtru l-ħwejjeġ.
Jien kont qed nixtri u f’daqqa waħda rajt żarbun ileqq. Il–kulur tiegħu kien roża. Iż-żarbun kien id-daqs tiegħi w meta nikber jikber miegħi. Meta ssabbat jibda jixgħel. Meta nkun irrid immur xi mkien, dan iż-żarbun jeħodni f’ħakka t’għajn. Jien inkun bih meta nagħmel it-tlielaq u niġi l-ewwel. Meta mmur l-iżfin, dan jinbidel f’żarbun tal-iżfin u jien niġi dejjem l-ewwel f’xi kompetizzjonijiet.
Iż-żarbun għadu għandi. Jien qatt ma ngħid lil ħadd b’daż–żarbun għax inkella jkunu jriduh huma.
Myra Muscat
Leave a comment